[ a N T I M a ]

ကီလီမန်ဂျားရိုးကို ပြုလုပ်ခြင်း (၇)

a N T I M a — Wed, 01 Feb 2012 07:04:00 +0000

ဤကဗျာတွင် ဆွာဟီးလီးဘာသာစကား လုံးဝ (လုံးဝ) မပါရှိပါ
LP ဆိုသည်မှာ ကော့တေးစပ် အရက်တစ်မျိုး ဖြစ်တယ်
LP ဆိုသည်မှာ 1954 တုန်းက ဟောလိဝုဒ်က ရိုက်တဲ့ ရုပ်ရှင်ကား ဖြစ်တယ်
ဘာသာစကားဆိုသည်မှာ ဘယ်တုန်းက ဘယ်သူ စတင်သုံးစွဲခဲ့သလဲ
သို့သော် ဤကဗျာတွင် လူသားစား ခြင်္သေ့တစ်ကောင် ဖြစ်တယ်
ပင်မရေစီး ခေတ်ပေါ်ကဗျာဆိုသည်မှာ အရပ်ရှည်သလား၊ ဆံပင်ရှည်သလား၊ စိတ်ရှည်သလား
ဘာသာစကားဆိုသည်မှာ ကဗျာတစ်ပုဒ်ရဲ့ ကျောရိုးလည်း ဖြစ်နိုင်သလား
ကဗျာဆိုသည်မှာ အဓိပ္ပါယ်ရဲ့ ကီလီမန်ဂျားရိုး ဖြစ်တယ်
အဓိပ္ပါယ်ဆိုသည်မှာ ကားလ်မတ်က်စ်ရဲ့ အိပ်မက်ထဲမှာ မှားယွင်းရောက်ရှိနေတဲ့ ဆစ်ဂမန်ဖရွိုက်ရဲ့ မသိစိတ်ဖြစ်တယ်
အဓိပ္ပါယ်ပြုလုပ်ခြင်းဆိုသည်မှာ ဝါကျတစ်ကြောင်းထဲမှာ နာမ်မဟုတ်ရင် ကြိယာဖြစ်တယ်
ကဗျာပြုလုပ်ခြင်းဆိုသည်မှာ အင်္ဂါအစုံအလင်ကို လူအချို့ပဲ အားလုံးပြည့်ပြည့်စုံစုံ မြင်သိကြတဲ့ စကားဝှက်တစ်ခုလား
ဘာသာစကားပြုလုပ်ခြင်းဆိုသည်မှာ အင်္ဂလိပ်လို ဘယ်လို ပေါင်းသလဲ
ဘာသာစကားကဗျာပြုလုပ်ခြင်းဆိုသည်မှာ ကိုမာဝင်ပြီး သွား/လာ/နေ/ထိုင်/ပြု/မူ/ပြော/ဆို/နေခြင်းတစ်မျိုးဖြစ်တယ်
တသမတ်တည်း ကာလဒေသမရွေး သတ်မှတ်ချက်ဆိုသည်မှာ
မွေးကတည်းက ခွဲခံရ၊ သီးခြားစီ မွေးစားခံရတဲ့ အမွှာပူးကောင်လေးနဲ့ ကောင်မလေး
ကြီးပြင်းလာကြပြီး ပြန်ဆုံတဲ့အခါ တစ်ယောက်ကိုတစ်ယောက် အရူးအမူးစွဲလမ်းပြီး
နောက်ဆုံးအိမ်ထောင်ပြုလိုက်ကြတဲ့ ကိစ္စ
ကံတရားပဲလို့ မျက်နှာလွှဲပစ်လိုက်ရမလား
မည်သူမျှ ဤကဗျာစီရာ လိုင်းများကဲ့သို့ မပြောဆိုပါ
နှုတ်ခွန်းဆက်သ အပ်ပါသည်၊ လိုရာ ခရီးရောက်ပါစေသား။

သိုးထိန်း (အန္တိမ)
မှတ်ချက်။ ။ ဇေယျာလင်း၏ ကီလီမန်ဂျားရိုး (ကီလီမန်ဂျားရိုး) နှင့် LP ကင်းမဲ့ဇုံ (ကဗျာဆိုတာ ပြုလုပ်ခြင်း) တို့ကို intertextualize လုပ်ပါသည်။

Filed under: poetry

မွေးနေ့ရှင်

a N T I M a — Mon, 30 Jan 2012 03:33:59 +0000

သူ့အသက်(၂၀)ပြည့်မွေးနေ့မှာ ခါတိုင်းလိုပဲ
စီစဉ်ထားခဲ့တာတွေက နေရာမကျမြဲ မကျ
အဲဒီသောကြာညသာ ပုံမှန်အတိုင်းဆိုရင်
ဆူသံ ပူသံတွေ၊ ဖုန်းသံတွေ၊
ပြီး…ခပ်မှိုင်းမှိုင်း ဇာတ်ကောင်တွေ၊ လမ်းအချက်ပြမီးတွေ၊
အေးစက်မာကျောတဲ့ ပင်လယ်လေနဲ့ ချောင်းဆိုးပျောက်ဆေးလုံးတွေပေါ့
အံဆွဲတစ်ခုထဲမှာ သိမ်းထားတဲ့ အနံ့တစ်မျိုးက
ပုံမှန်ဖောက်သည်တွေရဲ့ စိတ်အားတက်ကြွမှုအတွက်…
အဲဒီဖောက်သည်ကြီးတွေက သူ့အလုပ်အတွက် ဂုဏ်ယူကြတယ်
သီးသန့်နေရာတွေဟာ ဒီမိုကရေစီ ဓနရှင်တွေ အတွက်
ဆိုပါတော့
ပါတီသွားတဲ့ ပြည်သူတွေဟာ သဘာဝမြေဩဇာနဲ့ပဲ ကြီးထွားလာကြရတယ်
ဆိုပါတော့
စားသုံးသူတွေကို နိစ္စဓူဝ ကျွမ်းကျင်လိမ်မာစွာ သူ ပြုံးပြနှုတ်ဆက်ရတယ်
ဆိုပါတော့
တစ်ဦးချင်းစီအတွက် ဘယ်လိုနေ့မျိုး ဖြစ်ခဲ့တယ်ဆိုတာကို တလေးတစား နားထောင်ပေးရတယ်
သူ့ရဲ့ အထူးတာဝန်ကတော့ ညစာကို အထွဋ်အမြတ်နေရာအဖြစ် သန့်ရှင်းစင်ကြယ်စေရတယ်
အသင့်ပြင်ပြီးသား ညစာကို အဲဒီနေ့အတွက် အထူးဟင်းလျာနဲ့တွဲ ရှင်းပြတယ်
(လည်ချောင်း ထပ်ရှင်းရင်း)
ဆရာ့အတွက် ညစာပါ
ကျသင့်တန်ဖိုး ကပ်ထားတဲ့ အရာမျိုး မဟုတ်ဘူး
လေထဲမှာပါလာတဲ့ ထိလို့ကိုင်လို့မရတဲ့ အစားမျိုးပါ
မျက်နှာကိုပါ ရိုရိုကျိုးကျိုး ဖြစ်နေအောင် တစ်ခါတည်း ပုံပြောင်းထားရတယ်
မျက်နှာကျက်စပီကာတွေထဲက သိုသိုသိပ်သိပ် စီးထွက်လာနေတဲ့ အလင်းစူးစူးထဲ
နက်ရှိုင်းတဲ့ ရနံ့တစ်မျိုးဟာ သူ့နည်းသူ့ဟန်နဲ့ တစိမ့်စိမ့်
ညရဲ့အလင်းမှာ မျှော်စင်ရဲ့ ကောက်ကြောင်းတွေက အပြောင်လက်ဆုံး တိုက်ချွတ်ထားပုံရပြီး
ဘယ်လိုအရိပ်မည်းမျိုးမှ အဲဒီအပေါ် မထိုးပါစေနဲ့
အဲဒီခဏငယ်လေးတွေမှာ ဘာမှ ပြုပြင်မွမ်းမံစရာမရှိဘူး
မိမိရဲ့ ဘ၀ကို မိမိ ဘာမှ ဖြိုဖျက်စရာမရှိတော့ဘူး
အတွေးတွေက လက်ကနဲ လက်ကနဲ ဖြာကျလာတယ်
လည်ချောင်းတွေ ခြောက်သွေ့လာတယ်
လေအဝှေ့မှာ ပြတင်းမှန်ကို မိုးစက်တွေ မညီမညာ လာရိုက်တယ်
အချိန်ရဲ့ မညီမညာခုန်နှုန်းတွေဟာ သူ့နားထဲကို လာလာရိုက်နေတယ်
အချိန်ဟာ အရေးကြီးတဲ့ ကဏ္ဍတစ်ခုပါ
ဘာမှမရှိတော့တဲ့ အဲဒီအချိန်မှာ သူဟာ သိသိသာသာကြီးကို ပေ့ါပါးနေခဲ့ပြီး
ထူးခြားဆန်းကြယ်တဲ့ တိမ်စိုင်တစ်ခုပေါ် လမ်းလျှောက်နေရသလိုမျိုးတောင် ခံစားမိတယ်
ရေခဲမုန့်ဟာ တစ်နာရီတစ်ကြာ ရွာလိုက်တိတ်လိုက်
တစ်ခါတစ်လေမှာတော့ သစ်အယ်သီးနဲ့ မလိုင်အချိုပွဲ စတာတွေပေါ့
ပြီးတာတွေကို မေ့ထားလိုက်၊ ထွေးထုတ်လိုက်
သူ့လည်ချောင်းကို တိတ်တိတ်လေး နောက်တစ်ခေါက် ထပ်ရှင်းလိုက်မိတယ်
ချောင်းဆိုးပျောက်ဆေးလုံးတွေ…
အဲဒီအခိုက်မှာပဲ ပုံသဏ္ဍာန်ပြောင်းသွားတယ်၊ ရုတ်တရက်လဲကျသေဆုံးသွားတယ်
ပြန်လာမယ်၊ နောက်ကြာရင် နာရီလည်သလို သူပြန်တက်သွားပြီး ပြန်လာမယ်
စိတ်လှုပ်ရှားနေတဲ့အခါတွေမှာ နဖူးထိပ်မှာ ချွေးတွေသီးလာရင်းက
သူ့အသံဟာ အက်အက်သွားလေ့ရှိတယ်
လေထဲမှာ ပေါလောမျောနေတဲ့ မြင်နိုင်စွမ်းမရှိသော အရာတစ်ခုခု…
မျှော်စင်ဆီက အလင်းရောင်တွေဟာ မိုးစက်တွေကြားထဲ ထိုးဖောက်ဖြာထွက်နေတယ်
အင်မတန်ကြီးမားတဲ့ မုန့်ကြီးတစ်ခုကို မုန့်ဖုတ်စက်ထဲမှာ မီးအေးအေးနဲ့ ဖုတ်နေပုံပါပဲ
လက်ဗလာနဲ့ပေါ့
ဒဏ္ဍာရီထဲက ကြင်နာတတ်တဲ့ နတ်သမီးလေးတစ်ပါးလို ဒါကျမရဲ့ ၀တ္တရား
ဒါပေမယ့် လူတွေဟာ သူတို့ကိုယ်တိုင်ထက် ဘာမှပိုမဖြစ်နိုင်ဘူး မဟုတ်လား?

Ref: Haruki Murakami – Birthday Girl [translated by lanolay]

Filed under: poetry

ယဉ်ကျေးမှုယန္တရား အပြောင်းအလဲကာလ

a N T I M a — Fri, 27 Jan 2012 01:30:12 +0000

ကျေးလက်သုံးဘာသာစကား ဖွံ့ဖြိုးရေးနဲ့ ဆင်းရဲနွမ်းပါးမှု

လျော့ကျရေးလို့ ပွင့်ပွင့်လင်းလင်း ခေါင်းစဉ်တင်ထားတဲ့

စကားလုံးဆင်းရဲနွမ်းပါးမှုကို ပြည်နှင်ဒဏ် ရပိုင်ခွင့်/လုပ်ပိုင်ခွင့်ပေးရေးမှာ

နိမိတ်ပုံတွေဟာ ကိုယ့် ချည်တဲ့ကြိုးလို့ တရားဝင်ကြေညာစရာ

ဆိုရင်

“လိုင်း”တိုင်းမှာ ရုတ်ချည်း”ပြောင်း”လဲမှုတွေဟာ ဖျတ် ဖျတ် လတ် လတ်

တစ်ခု ပြီး တစ်ခု ပြီး တစ်ခု ပြီး

သုံးစွဲခွင့် ပိတ်ပင်ထားတဲ့ စကားလုံးတွေ စား ရင်း

ပကတိ အခြေအနေကို အရှိအတိုင်း လက်ခံ

(အကောင်/အထည် မြင်ရခြင်း မရှိဘဲ)

အတွေးတွေနဲ့ ကိုင်တွယ် ဆောင်ရွက်တတ်တဲ့

ပီယာနိုတစ်လုံးလို ဖွဲ့စည်းပုံပဲ

ဒါပေမယ့် အကောင်အထည်ပေါ်မှု အပိုင်းမှာတော့

ကဗျာရေးခြင်းကိုယ်တိုင်ဟာ ချုပ် နှောင်ခံ

စကားလုံးတွေကို အမည်တံဆိပ်အသစ် နဲ့ ရှာဖွေဖန်တီး

ပြုလုပ်တာပဲလားဆိုတာက

ဘာမှမရှိတဲ့ ဟာလာဟင်းလင်းကြီးကို သော့ထုတ်ပြီးဖော်ထုတ်ရသလိုကွယ်

သုံးထားတဲ့ သတ်မှတ်ချက် စမ်းသပ်ချက်

အားလုံးဟာ hypnotic noise တွေ

သိသလား / မသိဘူးလား ဆိုတဲ့ ခေတ်ပြိုင် ရေးသားချက်တွေ

ဖြစ်နိုင်မှန်း / မဖြစ်နိုင်မှန်း အားလုံး မဲပေးပိုင်ခွင့်တွေ

မိမိအကြောင်းမိမိ လိုတာထက် အလွန်အကျွံပြောဆိုခဲ့ပြီးပြီ မဟုတ်လား

မိမိဟာ ဘာမှမရှိတဲ့ ဟာလာဟင်းလင်းထဲမှာ မြေအောက်ရထားနဲ့

အနုပညာကို ဖျက်သိမ်းဖို့ ဘယ်ပရိသတ်ကမှ မတောင်းဆိုခဲ့ကြဘူး

ဘယ်သူမဆိုရဲ့ ပူလောင်နေတဲ့ ဘ၀နေထိုင်မှုပုံစံတွေကို

ဘာသာစကားနဲ့ အေးစက်တဲ့တင်ပါးတွေက တားမြစ်ပေးဖို့

ဘာမှမပြောတာဟာလည်း တစ်ခုခုကို တစ်နည်းနည်းနဲ့ ပြောနေတာပဲ

ပိတ်ဆို့ထားတဲ့ကဏ္ဍအားလုံး အပေါ်

လွှမ်းခြုံ အကျိုးသက်ရောက်မယ့် အဓိပ္ပါယ်ဆိုတာ တွေ့မြင်ရခဲပါတယ်

တခြား တောင်းဆိုမှုတွေ၊ တခြား တားမြစ်မှုတွေ အပေါ်

လွှမ်းခြုံ အကျိုးသက်ရောက်မယ့် အရေးကြီးဘာသာစကားလုပ်ဆောင်ချက်များနဲ့

ဘယ်တော့မှမခွဲခွာဖို့ အတူတကွအိပ်စက်ဖို့ ဟောဒီခဏငယ်လေးမှာ

“ရေနှင့်မငြှိမ်းသတ်ရ”

မျှော်လင့်ချက်ကိုယ်ဝန်တွေဟာ နောက်မျိုးဆက်တွေအတွက်

ဘာသာစကားဇာတ်ခုံကြီး ဖြစ်မှာလား

သိုးထိန်း (အန္တိမ)

Filed under: poetry

(ရေခံမြေခံ) ကောင်းတဲ့စိတ်ရဲ့ ကောင်းကင်ထဲ ချိတ်တွယ်ထားတဲ့ ကြယ်ကလေးတွေ

a N T I M a — Thu, 26 Jan 2012 01:30:13 +0000

ပြောရမယ်ဆို အဲဒီလို ဖြစ်ဖြစ်နေတာ

ဖြင့်

ကြာမြင့်ဆွေးရိ လှပြီ၊

power ဟာ အရေအတွက်လား အရည်အသွေးလား

သူရောက်တဲ့ နေရာတိုင်းမှာ သူ့ကို ဆန္ဓပြ တဲ့သူရှိတယ်၊

သူ ဟာ

ဆက်သွယ်မှုဧရိယာပြင်ပက ဒေသခံ ပဟေဠိတစ်ခုလား

သူ့ ယဉ်ကျေးမှု ဟာ ရိဆွေးပြီးပေါက်သွားတယ်

ဒေသခံ တွေရဲ့ ဘာသာစကားဟာ

သက်တောင့်သက်သာ ဖြစ်မှု ကို ပြန်လည်မေးခွန်းထုတ်ရင်း

our-dentity ပျောက်ဆုံး ကုန်တယ်

အရေးပေါ် အသားကိုယ်စီ အသွေးကိုယ်စီနဲ့

သူရဲကောင်းတွေ လွှမ်းမိုးကြီးစိုးတဲ့ ခေတ်မှာ

မှ

ကြောက်ချီးအပါဆုံး ဆုတံဆိပ် အလီလီ

သူ ရခဲ့တာ၊ ပြန်ဖြင့် မပြောချင်တော့ဘူး

အဖန်တလဲလဲမြက်ခင်းအပေါ်က နေရောင်ခြည်နဲ့

မျက်နှာပေါ် ချွေးပေါက်တွေကြားထဲမှာ ကပ်ညှိနေတတ်တဲ့

တောတွင်းမသိစိတ်တွေ၊ အင်း . . ဖူးကို့ကြီး ပြောတယ်၊

စိတ် ဟာ ခန္ဓာရဲ့ အကျဉ်းထောင်

ပူနွေးတဲ့ကမ္ဘာကြီးနဲ့ ဆောင်းလမ်းကြားများနဲ့

ယဉ်ကျေးမှုမြင့်မားတဲ့ နိုင်ငံတော်ကြီးနဲ့

ယဉ်ကျေးမှုမြင့်မားတဲ့ ဆောင်ကြာမြိုင် လမ်းကြားများနဲ့

ကိုယ့်လမ်းကိုယ် ကြိုးပမ်းပိတ်ဆို့မှုနဲ့ ပြတင်းပေါက်အပြင်

ပြန်ဖတ်ကြည့်ရမှာက အရေးအသား ကျွမ်းကျင်မှု

အကြားမှာ အဆက် နဲ့ အသွယ်

မိတဲ့ အတွေး နဲ့ လွတ်တဲ့ အတွေး နဲ့

လွှတ် တဲ့ အရေး နဲ့ ခက်တဲ့ အသား

အရေးအသားဟာ စိတ်ကူးဖြန့်ကျက်မှုရဲ့ နောက်ဆက်တွဲဂယက်

တွေးခေါ်မှုကို အရေးအသားအတွင်းကနေ

တစ်ရှုးတွေ တစ်လွှာပြီး တစ်လွှာ ထုတ်လိုက်သလို

အသွေးအသားဟာ လက်ရှိဈေးကွက်အတွင်း ခေတ်ပြိုင်အာရုံခံစားမှု

နူးညံ့ မွှေးပျံတဲ့ လည်တိုင်ကလေးကို အနောက်ကနေ လှမ်းကိုက်လိုက်တဲ့အချိန်မှာ

အနုပညာဟာ အရေပြားတွေ၊ သွေးကြော နံရံတွေကို ဖောက်ပြီး

စာသားတွေအထဲ စီးဝင်သွားတယ်၊ ငါ ကိုယ့်ငါ ပြန်လုပ်ယူ လို့ မရတော့ဘူး၊

ခေတ်ပြိုင် ပင်မ ခံစားမှု၊

မသိစိတ်ထဲက အရေးအသားတွေဟာ

စာသားတွေဟာ ကြည်လင်ငြိမ်သက်နေတဲ့ သံသယနဲ့ ဘာသာစကားအပေါ်

တစိမ့်စိမ့်ထွက်နေတဲ့အရောင်တွေ၊ မဖြစ်နိုင်ဘူး ဆိုတာ ကိုးခါ လောက် ပေါ့၊

လက်လွတ်စပယ် ဝတ်မှုံကူးမှုတွေ

အရေးအသားအရ မတွေ့မခံစားဖူးတဲ့ ယဉ်ကျေးမှုဟာ

တခြားအရာတွေနဲ့ ဆက်သွယ်ရန် လက်ညှိုးပေါင်း တစ်ထောင်လား

အမှုန်အမွှားများရဲ့သဒ္ဒါကို မှန်ကန်စွာဘာသာပြန်ဖို့

ရှုထောင့်ပြောင်းခြင်းနဲ့ စပ်ဆက်ဝန်းကျင်ရဲ့ အလုပ်လုပ်ပုံကို နားလည်ဖို့

နှလုံးသား နဲ့ ဦးနှောက်အတွင်းပိုင်းထဲမှာ

တွဲချိတ်မှု၊ လိုင်းဖွဲ့မှု၊ လည်ပတ်ဆောင်ရွက်မှု၊အပြုစုခံ၊ အပြဌာန်းခံ တည်ဆောက်မှု၊

နည်းစနစ်အမျိုးမျိုးနဲ့ သင်္ကေတတွေ၊ ကွင်းဆက်တွေ

အကြောင်းအရာထက် အတန်းလိုက်ရွေ့လျားနေတဲ့ ရိပ်ခနဲတွေ

အချင်းချင်းကို ဘယ်လိုဆွဲဆန့်ချိတ်ဆက်ယူသလဲ

လူ့စိတ်ဟာ မှန်တစ်ချပ်လိုပဲ

ပြောင်းလဲနေတဲ့ လူမှုအလေ့အကျင့်တွေဟာ ပြဒါး

အစားထိုး ကုသလိုက်တဲ့ ၁၉ ရာစု ဖီလင် ဒဏ်ရာအတွက်

ပိတ်

ဝန်းကျင် အဆက်အစပ်ကို တည်ဆောက်ပြရတဲ့သဘော

ဘာသာစကားဆွံ့အ နေတဲ့ လမ်းတွေဟာ

မှန်ရဲ့ အလင်းပြန်မှုထဲမှာ တန်းစီပြီး လွန်ခဲ့တဲ့

တစ္စေ၊ သရဲ တွေရဲ့ အရိပ်တွေလိုမျိုး

အမည်းရောင် အမည်းရောင် တွေ ဖြည်းဖြည်းလေးလေး

လမ်းလျှောက်နေကြတာနဲ့၊

နှင်းရဲ့ အရည်တွေဟာ နောက်ထပ် ထပ် ဖြစ်လာနိုင်စရာ မရှိတော့တဲ့

အရေးအသားရဲ့ သဘောကိုယ်ထဲမှာ

အမှုန်တွေရဲ့ အဓိပ္ပါယ်ဆိုတာကို ပြန်လည် တည်ဆောက်ပြဖို့ဆိုတာ

ပြောတော့သာ လွယ်တာ၊

သိုးနီညို

Filed under: collaboration, poetry

ကိစ္စပြီးရင် လျှိုလျှိုထွက်ခွာသွားကြတဲ့ ကမ္ဘာကြီးမှာ

a N T I M a — Wed, 25 Jan 2012 02:25:54 +0000

အန္တရာယ်ရှိသော ဓာတုဗေဒနဲ့ ၀တ္ထု ပစ္စည်းများ
သမိုင်းဟာ ခက်ခဲတွေကြားထဲကနေ နောက်တစ်မနက် အရုဏ်တက်တယ်
ယင်း ဖြစ်စဉ်နှင့်အတူ အခြားအတွေးများ
အဖြစ်
စေ့စပ်လို့မရတာကိုလည်း မမေ့အပ်ဘူး
လက်ပွေ့ရောင်းတဲ့လူတွေလက်ထဲမှာ The Citizen သတင်းစာ
ရိုးရိုး မီးလောင်မှု သို့မဟုတ် ဆင်းရဲနွမ်းပါးမှုလျှော့ချရေး
ရေကိုအသုံးပြု ငြှိမ်းသတ်လာရာက ပြင်းထန်စွာ ပေါက်ကွဲ
လူတွေကလည်း စုစုခဲခဲ၊ သတင်းကလည်း စည်စည်ကားကား
အသိ နဲ့ သတိ စမ်းသပ်နေဆဲချိန်မှာတော့ ဘ၀ဟာ ခယောင်းတော
ဒဏ်ရာရရှိမှုကား အထူး မဆိုသာတော့ပါ
အစိုင်အခဲ၊ အရည်နဲ့ အငွေ့ ဘာရမှန်းတော့ မသိဘူး
ပြောချင်တာက ခေတ်မှီပစ္စည်း (Oxidizer)
လူအဖွဲ့အစည်းတစ်ခုလုံး၊ ယဉ်ကျေးမှုတစ်ခုလုံး အထဲမှာ
အဲဒါလည်း ပါပုံရပါတယ်
စပ်ယှက်ခြင်းမှာ အရပ်ဘက်အဖွဲ့အစည်း၊
အစိုးရမဟုတ်တဲ့အဖွဲ့တွေနဲ့ အစိုးရအဖွဲ့အစည်းတွေ
အပြန်အလှန် / အတူတကွ / တစ်ပြိုင်နက် လိုသလား
ကိုယ့်ပြန်ရှုပ်လို့ ကိုယ်ရှုပ်တဲ့ဗရှိုးရဲ့ ဖား
ကဏန်းတွင်းထဲ ခုန်ဆင်းဝင်သွားတယ်
နေ့စွဲတပ်မထားတဲ့ ကူညီပံ့ပိုးရေးစီမံကိန်းတွေ
အချိန်နဲ့ ဇယားနဲ့ အသီးသီး အကောင်အထည် ဖော်နေကြတယ်
အောင်မြင်ဖို့အတွက် အရေးကြီးတဲ့ ကာမတဏှာ
အခြားတစ်ဖက်မှာ မတရားတာကိုလည်း
ညှိနှိုင်း ချိတ်ဆက်မှုကောင်းဖို့အတွက်
တရားသောအားဖြင့် ရေဖြင့်ပက်လိုက်သည့်အခိုက်
စလိုက် ပြီ ဆိုမှတော့ အဆုံးထိတော့ လိုက်ရမှာပေါ့
ရေဖွေးဖွေးသဲသောင်ပေါ်
မူလဟာ အဓိပ္ပါယ်လိုလို၊ အဓိပ္ပါယ်ဟာ မူလလိုလို တွေ
ရွာပြန်ပြီး ဖက်တွေကို တက္ခနော်လော်ဂျီနဲ့ ခူးတော့မယ့် မြို့ခံတစ်ယောက်
ဒါပေမယ့် လက်တွေ့မှာ ငွေကြေးနဲ့ နည်းပညာအခက်အခဲကြောင့်
The Destiny သတင်းစာက မျိုးချစ်စိတ်မရှိသူလို့ ဖော်ပြထားတယ်
ဘာသာစကားဟာ အမျိုးသားစီမံကိန်းနဲ့
စီးပွားရေးဖွံ့ဖြိုးတိုးတက်မှု ဘာဂျာတံခါးဝမှာ
အမျိုးသားအဆင့် အလုပ်ရုံဆွေးနွေးပွဲတွေကို ကျင်းပခဲ့တယ်
တိုက်ရိုက်လုပ်ဆောင်ချက်တွေကို မမြင် မတွေ့ရသေးပေတဲ့
(နိုင်ငံတကာ) အသိုင်းနဲ့ အ၀ိုင်းရဲ့ ဆက်ဆံရေး ပိုကောင်းမွန်လာခြင်းဟာ
(နိုင်ငံအတွက်) အကျိုးရှိတာတွေပဲ
ဘယ်သူမဆိုဟာ အခြေအနေသုံးမျိုးနဲ့ ဇာတ်လမ်းတစ်ပုဒ်
ဒါပေမယ့် သေဆုံးသွားကြတဲ့အခါ ၀င်ကစွပ်အခွံတွေလို
ဘာပဲဖြစ်ဖြစ် “ဟင်..အဲလိုကြီးလား”လို့ ထပ် ရေရွတ်
လျှာရှည်ချင်ရင် “ဆားနဲ့ပါဘုရား” ပြောဖို့ဟာ
သူတို့ ကျန် / ချန် ရစ်ခဲ့တဲ့ ( ) တွေထဲ ၀င်ရောက်နေထိုင်ကြမှာမို့လား?

သိုးထိန်း (အန္တိမ)

Filed under: poetry

Thoe Niño

a N T I M a — Mon, 15 Aug 2011 09:18:51 +0000

Collaborative Poetry with Lynn Ne Nyo.

Filed under: collaboration, pdf, poetry